«Ал Ҳилол» ҳужумчиси Карим Бензема клубни тарк этишга шошилмаяпти. Бу ҳақда журналист Саша Таволери хабар берди.
Франциялик футболчи шартномани бекор қилишга тайёр, аммо ўз талабларидан воз кечмоқчи эмас: 38 ёшли ҳужумчи шартномасининг қолган бир йили учун маошини тўлиқ равишда тўлаб берилишини истамоқда.
Вазият ҳал этилмагунча, «Ал Ҳилол» «Астон Вилла» ҳужумчиси Олли Уоткинс трансферини якунлай олмайди. Қайд этилишича, Саудия клуби англиялик форвард билан шахсий шартнома бўйича келишувга эришган.
Маълумот ўрнида, Бензема феврал ойида «Ал Иттиҳод»дан «Ал Ҳилол»га кўчиб ўтганди. Карим Риёд клуби сафида 15 та учрашувда майдонга тушиб, 10 та гол урди ва 5 та ассист амалга оширди.
Аввалроқ саудияликларнинг Осимхенга қизиқиш билдираётгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади