«Астон Вилла» «Парма» дарвозабони Зион Судзуки трансфери бўйича келишувга эришди. Бу ҳақда Фабрицио Романо хабар берди.
Бирмингҳэм клуби 25 ёшли япониялик футболчи учун 30 миллион евро тўлайди. Бонусларни ҳисобга олганда, трансфернинг умумий қиймати 35 миллион еврогача етиши мумкин.
Сузуки «Астон Вилла» билан 2031 йил ёзигача мўлжалланган беш йиллик шартнома шартларини ҳам келишиб олди. Футболчи «Парма» раҳбариятига фаолиятини айнан Англия клубида давом эттириш истагини билдирган.
«Астон Вилла» япониялик дарвозабонни икки йил давомида кузатиб келган ва Эмилиано Мартинес жамоани тарк этган тақдирда уни аргентиналик футболчининг асосий ўрнини босувчи номзод сифатида кўрган.
Эслатиб ўтамиз, Сузукининг «ПСЖ»га трансфери ҳам якуний босқичга етганди, бироқ келишув сўнгги дақиқада амалга ошмай қолган.
