«Барселона» ҳимоячиси Жюл Кунде клубини ўзгартириши мумкин. Бу ҳақда El Mundo Deportivo хабар берди.
Франциялик футболчига «Ливерпул», «Манчестер Сити» ва «Челси» қизиқиш билдирмоқда. Хусусан, мерсисайдликлар ҳимоя чизиғини янада ишончли футболчи билан кучайтиришни режалаштирмоқда, чунки Жереми Фримпонг кўпроқ ҳужумга мойил ўйин намойиш этади.
Маълум қилинишича, «қизиллар» Кунде учун тахминан 80 миллион евро таклиф қилишга тайёр. Каталония клубида эса 27 ёшли футболчи юқори баҳоланади ва раҳбарият уни сақлаб қолишни истайди.
Шунга қарамай, агар трансфер амалга ошса, «Барселона» тушган маблағни таркибни кучайтиришга йўналтирмоқчи. Қисқа рўйхатда «Атлетико» ҳужумчиси Хулиан Алварес ва «Интер» ҳимоячиси Алессандро Бастони бор.
Кунде ўрнига эса «кўк-анорранглилар» Жоау Канселу билан шартномани узайтириш ёки «Ювентус» ҳимоячиси Андреа Камбиассони сотиб олиш вариантини кўриб чиқмоқда. Аввалроқ «Реал» Кундега жиддий қизиқиш билдираётгани маълум қилинганди.
