Испания миллий жамоаси ҳимоячиси Пау Кубарси жаҳон чемпионати 1/2 финали доирасида Франция устидан қозонилган ғалаба (2:0) ҳақида фикрлари билан ўртоқлашди.
«Бу шунчаки ажойиб. Ҳозирча бунинг барчасини тўлиқ англаб етмаяпман. Охирги ойлар давомида катта кўламдаги ишни бажардик. Ушбу мусобақага ажойиб спорт формасида етиб келдик. Биз — ҳақиқий оиламиз. Энди олдинда энг қийини кутиб турибди — финал. Ишончим комил, биз уддалаймиз.
Биз ҳимояда яхши ҳаракат қиляпмиз. Аммо бунда ҳамма ёрдам бермоқда — бу ерда ҳам, машғулотларда ҳам. Ҳаттоки захира ўриндиғида қолаётганлар ҳам. Жамоа ичидаги бундай соғлом рақобат ҳаммани кучлироқ қилади», — дея Кубарси сўзларидан иқтибос келтирди AS.
Маълумот учун, Испания АҚШ, Канада ва Мексикада ўтаётган мундиалнинг илк финалчисига айланди. Иккинчи яримфинал баҳсида Аргентина ва Англия миллий жамоалари майдонга тушади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади