Ямал Мбаппега қарши 11 тўқнашувнинг 9 тасида ғалаба қозонди

Испания миллий жамоаси Жаҳон чемпионати-2026 яримфиналида Францияни 2:0 ҳисобида мағлуб этди.

Натижада «Барселона»нинг испаниялик вингери Ламин Ямалнинг «Реал» Килиан Мбаппе устидан клублар ва миллий жамоалар миқёсидаги ғалабалари 9 тага етди. Ўзаро 11 тўқнашувнинг фақат иккитасида франциялик футболчи устун келган.

Ўзаро баҳсларда Ямал 9 та самарали ҳаракат (6 та гол ва 3 та голли узатма) амалга оширган бўлса, Мбаппе ҳисобида эса 11 та самарали ҳаракат (9 та гол ва 2 та голли узатма) мавжуд.

Маълумот учун, Испания 19 июл кунги мундиал финалида Англия — Аргентина жуфтлиги ғолибига қарши ўйнайди.