ЖЧ-2026. Яримфинал: Англия – Аргентина. Live

Жаҳон чемпионатининг яримфинал босқичида Англия ва Аргентина миллий жамоалари ўзаро баҳс олиб боради.

Эслатиб ўтамиз, Англия чоракфиналда Норвегияни 2:1 ҳисобида мағлуб этиб, яримфиналга йўл олган. Аргентина эса Швейцарияни 3:1 ҳисобида таслим қилиб, кучли тўртликдан жой олганди. Ушбу яримфиналнинг ғолиби финалда Испанияга қарши майдонга тушади.

ЖЧ-2026. Яримфинал
Англия – Аргентина
16 июл. 00:00

Англия: Пикфорд, Жеймс, Геҳи, Спенс, Стоунз, Райс, Андерсон, Беллингҳэм, Сака, Гордон, Кейн.
Аргентина: Эмилиано Мартинес, Молина, Ромеро, Лисандро Мартинес, Таляфико, Паредес, Мак Аллистер, Фернандес, Симеоне, Месси, Алварес.

01' Ўйин бошланди!

Англия миллий жамоаси сардори Ҳарри Кейн Аргентина билан ЖЧ-2026 яримфиналида майдонга тушиб, миллий жамоа сафидаги 121-ўйинини ўтказмоқда. Шу тариқа, 32 ёшли ҳужумчи ўйинлар сони бўйича Уейн Рунини ортда қолдириб, Англия миллий жамоаси тарихида майдон футболчилари орасида энг кўп ўйин ўтказган футболчига айланди.

Умумий рўйхатда эса Кейн иккинчи ўринни эгаллаб турибди. Мутлақ рекорд ҳали ҳам собиқ дарвозабон Питер Шилтонга тегишли бўлиб, у Англия сафида 125 та учрашув ўтказган. Кейн ушбу рекордни янгилаш учун яна 4 та ўйин ўтказиши керак.

Аргентина миллий жамоаси сардори Лионел Месси ЖЧ-2026 яримфиналида Англияга қарши баҳс орқали Жаҳон чемпионатларидаги 33-ўйинини ўтказмоқда.

39 ёшли ҳужумчи Аргентина миллий жамоасининг асосий таркибидан жой олди.

Ушбу учрашувдан сўнг Месси мундиаллар тарихида энг кўп ўйин ўтказган футболчи сифатидаги рекордини янада яхшилайди.

Маълумот учун, Леонинг энг яқин таъқибчиси Криштиану Роналду ҳисобида 27 та ўтказилган ўйин бор.

45+2. 1-бўлим ниҳоясига етди. Ҳозирча мухлислар ўйинда гол кўришмади

Англия ва Аргентина биринчи бўлимда атиги 0,08 хG қайд этди!

Гўёки майдонда испан жамоалари, дейлик «Валенсия» билан «Атлетико» ўйнаётгандек

55' ГОЛ! Англияликларнинг ёш иқтидор эгаси Гордон беллашувда ҳисобни очди!

69' Пикфорд инглизларни муқаррар голдан қутқариб қолмоқда!

75' Мак Аллистер дарвоза устунини нишонга олди

86' ГОЛ! 86-дақиқада Энцо Фернандес ҳисобни тенглаштирмоқда. Аргентина охиригача курашишга интилди, кетма-кет ҳужумлар амалга оширди ва ниҳоят ўз голини ҳам уриб кетмоқда