Англия миллий жамоасининг собиқ яримҳимоячиси Жо Коул инглизлар бош мураббийи Томас Тухелнинг футболчилар билан ишлаш услубини мақтади.
«Менимча, унинг ёндашуви янгилик олиб кирди. Гарет Саутгейт даврига қайтадиган бўлсак, у биз йўлдан чиқиб кетган тўрт йиллик даврдан кейин келганди. Ўша вақт унча яхши эмасди ва қандайдир сабабларга кўра футболчилар даражаси тушиб кетганди.
Шунинг учун бизда шунчаки футболчиларни жалб қилиш, яхши муносабатлар ўрнатиш ва тизим қуриш имконияти бўлди ҳамда у шу асосда ишлади. Лекин кейин футболчилар бирданига супер юлдузларга айланди ва Гаретнинг фаолияти охирига келиб, биз гўёки эски даврга қайта бошладик. Менимча, у майдонда фақат 11 нафар ўйинчи бўлмаслигини ҳис қилган бўлиши мумкин. Уларнинг баъзилари энди обрўга эга, чемпионлар эди, шунинг учун Гарет эски тизимга қайтиш билан курашган бўлса керак.
Томас келди ва ҳаммасини тўғри қилди, биз ҳаммасини янгидан бошлаяпмиз. Бизда ажойиб футболчилар, чемпионлар бор ва уларнинг баъзилари супер юлдузлар: Деклан Райс, Ҳарри Кейн, Жуд Беллингем, лекин Томас — босс.
Менимча, у керакли ишни қилди: ўзига хос ўйин услуби ва фалсафани танлади. Керакли футболчиларни белгилади ва шу йўлдан боряпти.
Шахсан мен бундан мамнунман, агар у шу ёндашувда давом этса. Мабодо эски услубга қайтса, бу яхши натижа бермайди», — дея Коулнинг сўзларини келтиради Metro.
