Ўзбекистон миллий жамоаси бош мураббийи Фабио Каннаваро Ню-Йоркка етиб келганидан сўнг жамоа аъзолари текширувдан ўтказилгани юзасидан муносабат билдирди.
Италиялик мутахассиснинг таъкидлашича, бу АҚШ аэропортларида қўлланиладиган стандарт хавфсизлик тартибларидан бири ҳисобланади.
«Бу ҳар қандай аэропортда амалга ошириладиган одатий текширув. АҚШда эса бундай жараёнлар бевосита жойнинг ўзида ўтказилади», — деди Каннаваро Corriere dello Sport нашрига берган изоҳида.
Эслатиб ўтамиз, Ўзбекистон миллий жамоаси тарихда илк бор Жаҳон чемпионати финал босқичига йўлланма олди.
Маълумот учун, вакилларимиз мундиалнинг K гуруҳида Португалия, Колумбия ва Конго ДР миллий жамоаларига қарши баҳс олиб боради. Турнир 11 июн куни старт олиб, 19 июлга қадар давом этади.
