Ўзбекистон миллий жамоаси сардори Элдор Шомуродов жаҳон чемпионати стартидан аввал интервю берди ва мухлисларга мурожаат қилди.
«Ҳис-туйғулар ажойиб. Барчамиз хурсандмиз. Ниҳоят, биз узоқ кутган вақт келди, барчамиз тайёрмиз.
Америка вақтларига ҳам ўрганиб қолдик. Ню Йоркда ҳам 10 кун давомида машғулотлар олиб бордик. Ҳозир ҳамма томонлама барчаси ажойиб. Биринчи навбатда жуда катта ғурур, мен учун, нафақат мен бутун жамоамиз учун. Биз фақат миллий жамоа эмас, балки бутун Ўзбекистон номидан келиб, қатнашяпмиз. Айтиб ўтганимдек, бу узоқ кутилган орзу эди биз учун.
Мухлислар фақат бизни қўллаб-қувватлашларини сўрардик, биз эса ўз ўйинимиз билан уларни хурсанд қиламиз», - деди Элдор Шомуродов.
