Ўзбекистон миллий жамоаси бош мураббийи Фабио Каннаваро ЖЧ-2026 доирасида тарихий натижага эришди.
Оptа Sports маълумотига кўра, италиялик мутахассис «Олтин тўп» соҳиблари орасида жаҳон чемпионатида ҳам футболчи, ҳам мураббий сифатида иштирок этган тарихдаги тўртинчи инсон бўлди.
Аввалроқ бундай натижага фақат уч нафар афсона эришганди:
Франц Беккенбауер;
Олег Блохин;
Марко ван Бастен.
Эндиликда бу рўйхатдан Фабио Каннаваро ҳам жой олди.
Италиялик мутахассис Ўзбекистон миллий жамоасини 2025 йилдан буён бошқариб келмоқда. У футболчилик фаолияти давомида 2006 йилда «Олтин тўп» совринини қўлга киритган ва ўша йили Италия билан жаҳон чемпионига айланган эди.
ЖЧ-2026да Ўзбекистон Каннаваро бошчилигида илк бор мундиалда иштирок этмоқда. Миллий жамоа гуруҳ босқичининг дастлабки учрашувида Колумбияга 1:3 ҳисобида мағлуб бўлди.
Шунга қарамай, ушбу баҳс Каннаваро учун нафақат Ўзбекистон футболи, балки жаҳон футболи тарихидаги ноёб рекордлардан бири билан ҳам ёдда қолди.
