Миланинг «Интер» клуби «Аталанта» ҳимоячиси Марко Палестра трансфери бўйича расмий таклиф билан чиқди. Бу ҳақда таниқли инсайдер Фабрицио Романо хабар берди.
Манбага кўра, «нерадзуррилар» 20 ёшли футболчи учун 45 миллион евро кафолатланган маблағ ва яна 5 миллион евро бонуслар кўринишида таклиф юборган.
Шунингдек, «Интер» ва футболчи ўртасида шахсий шартнома борасида келишувга эришилган. Палестра ҳам Милан клубига ўтишни истамоқда ва трансфернинг тезроқ якунланишига қизиқиш билдирмоқда.
Ҳозирча клублар ўртасидаги музокаралар давом этмоқда. Якуний келишув учун яна бир неча босқичли суҳбатлар ўтказилиши кутилмоқда.
Шунга қарамай, «Интер» раҳбарияти ҳам, футболчининг ўзи ҳам трансфер муваффақиятли якунланишига ишонмоқда.
Агар битим амалга ошса, Палестра «Интер» тарихидаги энг қиммат харидлардан бирига айланиши мумкин.
