Milaning «Inter» klubi «Atalanta» himoyachisi Marko Palestra transferi bo‘yicha rasmiy taklif bilan chiqdi. Bu haqda taniqli insayder Fabritsio Romano xabar berdi.
Manbaga ko‘ra, «neradzurrilar» 20 yoshli futbolchi uchun 45 million yevro kafolatlangan mablag‘ va yana 5 million yevro bonuslar ko‘rinishida taklif yuborgan.
Shuningdek, «Inter» va futbolchi o‘rtasida shaxsiy shartnoma borasida kelishuvga erishilgan. Palestra ham Milan klubiga o‘tishni istamoqda va transferning tezroq yakunlanishiga qiziqish bildirmoqda.
Hozircha klublar o‘rtasidagi muzokaralar davom etmoqda. Yakuniy kelishuv uchun yana bir necha bosqichli suhbatlar o‘tkazilishi kutilmoqda.
Shunga qaramay, «Inter» rahbariyati ham, futbolchining o‘zi ham transfer muvaffaqiyatli yakunlanishiga ishonmoqda.
Agar bitim amalga oshsa, Palestra «Inter» tarixidagi eng qimmat xaridlardan biriga aylanishi mumkin.
