«Милан»нинг собиқ яримҳимоячиси Кака жамоанинг ҳозирги ҳолати ва ёзги трансфер ойнасида Рафа Леауенинг «Галатасарой»га кетиши ҳақида фикр билдирди. Унинг фикрича, «россонери» янги жамоа сифатида шаклланиши учун вақт керак бўлади.
«Бу шаклланиш жараёнидаги лойиҳа. 7 йил давомида «Милан» Леауенинг жамоаси бўлди. У ажойиб футболчи эди ва клуб кўп жиҳатдан унга таянарди.
Энди вазият бошқача. Жамоада янги юзлар ва икки нафар маҳоратли футболчи бор: Модрич ҳамон жамоанинг мияси бўлиб қолмоқда, унинг ёнида Рабио ўйнамоқда. Рамуш эса туғма тўпурар.
Ҳаммаси бир бутун бўлиб шаклланиши учун вақт керак. Энг муҳими, Европа лигасида ҳамиша юқори мақсадларни кўзлаш», — деди Кака La Gazzetta dello Sport нашрига берган интервюсида.
Маълумот учун, Кака «Милан» сафида 2003–2009 ва 2013–2014 йилларда тўп тепган. Бразилиялик футболчи 2007 йилда «Олтин тўп» совринини қўлга киритган.
Эслатиб ўтамиз, «Милан» 2007 йилда Кака етакчилигида Чемпионлар лигасида ғолиб чиққан.
