UFC яримўрта вазн тоифасидаги қозоғистонлик жангчи Шавкат Рахмонов январ ойида ҳам октагонга қайтмайди.
Жек Делла Маддалена билан эҳтимолий жанг ҳақида тарқалган хабарларни жангчининг менежери Даниэл Рубенштейн рад этди.
«Бу мутлақо ҳақиқатга тўғри келмайди. Делла Маддалена эҳтимолий рақиб сифатида тилга олинмаган, Шавкат эса январ ойида октагонга қайтмайди», — деб ёзди Рубенштейн.
Шу тариқа, Раҳмоновнинг қачон жанг қилиши ва кейинги рақиби ким бўлиши ҳозирча маълум эмас. Унинг номи австралиялик Делла Маддалена билан бир қаторда тилга олинган хабарлар эса менежер томонидан тасдиқланмади.
Маълумот ўрнида, Шавкат октагондаги сўнгги жангини 2024 йил декабр ойида ўтказиб, Ян Мачадо Гэррини мағлуб этган эди. Шундан буён у тиззасидан олган оғир жароҳатидан тикланмоқда.
Жангчининг октагонга қайтиш муддати бўйича ҳозирча аниқ сана айтилмаган.
