UFC yarim o‘rta vazn toifasidagi qozog‘istonlik jangchi Shavkat Rahmonov yanvar oyida ham oktagonga qaytmaydi.
Jek Della Maddalena bilan ehtimoliy jang haqidagi tarqalgan xabarlarni jangchining menejeri Daniel Rubensteyn rad etdi.
«Bu mutlaqo haqiqatga to‘g‘ri kelmaydi. Della Maddalena ehtimoliy raqib sifatida tilga olinmagan, Shavkat esa yanvar oyida oktagonga qaytmaydi», — deb yozdi Rubensteyn.
Shu tariqa, Rahmonovning qachon jang qilishi va keyingi raqibi kim bo‘lishi hozircha ma’lum emas. Uning nomi avstraliyalik Della Maddalena bilan bir qatorda tilga olingan xabarlar esa menejer tomonidan tasdiqlanmadi.
Ma’lumot o‘rnida, Shavkat oktagondagi so‘nggi jangini 2024-yil dekabr oyida o‘tkazib, Yan Machado Garrini mag‘lub etgan edi. Shundan buyon u tizzasidan olgan og‘ir jarohatidan tiklanmoqda.
Jangchining oktagonga qaytish muddati bo‘yicha hozircha aniq sana aytilmagan.
