«Манчестер Юнайтед» бош мураббийи Майкл Кэррик Англия Премер-лигасининг 9-турида «Челси»га қарши кечадиган баҳс олдидан яримҳимоячи Бруну Фернандешнинг жамоа учун аҳамияти ҳақида фикр билдирди.
«Бруну — жуда муҳим футболчи. У ўз тажрибаси билан бизга кўп нарса беради. У бу ерда кўп нарсаларни бошдан кечирди ва жамоага ёрдам бера олишини кўрсатди. Шу сабабли у жамоамизнинг муҳим қисми ҳисобланади. Бугун таркибимизда яхши мувозанат бор, жамоамиз яхши ва йигитлар баҳсни интиқлик билан кутмоқда», — дея Кэррикнинг сўзларини «Манчестер Юнайтед» расмий сайти келтирди.
Эслатиб ўтамиз, «Манчестер Юнайтед» АПЛнинг 8-туридан сўнг етти очко билан турнир жадвалида 16-ўринда бормоқда. «Челси» эса 13 очко билан бешинчи поғонани эгаллаган. «Манчестер Сити» 21 очко билан пешқадамлик қилмоқда.
