FIFA президенти Жанни Инфантино Португалия миллий жамоаси сардори Криштиану Роналдуни Ўзбекистонга қарши ўйинда ўрнатган тарихий натижаси билан табриклади.
Мазкур учрашувда дубл қайд этган 41 ёшли форвард жаҳон чемпионатлари тарихида олти турли мундиалда гол урган илк футболчига айланди (2006, 2010, 2014, 2018, 2022, 2026).
«Криштиану Роналдуни олти жаҳон чемпионатида гол урган илк футболчи бўлгани билан табриклайман. Турнирнинг қолган ўйинларида унга омад тилайман», — деб ёзди Инфантино ўз ижтимоий тармоқларида.
Маълумот учун, Ўзбекистон дарвозасига киритилган икки гол орқали Роналду нафақат ноёб рекорд ўрнатди, балки Португалия миллий жамоаси сафида жаҳон чемпионатларидаги энг яхши тўпурарга айланиб, афсонавий Эйсебиони ҳам ортда қолдирди.
