Бразилиялик афсона Роналдинио Италиянинг «Равенна» клуби билан шартнома имзолади. Бу ҳақда клуб расмий сайти хабар берди.
«Равенна» C Серияда иштирок этади. Янги футболчи тақдимоти АҚШнинг Майами шаҳрида бўлиб ўтди.
Аввалроқ клубнинг ўртоқлик учрашуви, реклама ва хайрия лойиҳаларида иштирок этиши ҳақида хабарлар тарқалганди.
Роналдинио фаолияти давомида «Гремио», «ПСЖ», «Барселона», «Милан», «Фламенго», «Атлетико Минейро», «Керетаро» ва «Флуминенсе» каби клублар шарафини ҳимоя қилган. Шунингдек, у «Олтин тўп» соҳиби ҳам ҳисобланади.
