«Челси» клуби «Аталанта» ҳимоячиси Марко Палестра трансферини якунлашга яқин. Бу ҳақда инсайдер Фабрицио Романо хабар берди.
Манбага кўра, Лондон клуби 21 ёшли футболчини сотиб олиш бўйича музокараларда муҳим босқичга етган.
Қайд этилишича, «Челси» Палестра учун 50 миллион евро тўлашга тайёр. Бонуслар инобатга олинса, келишувнинг умумий қиймати 55 миллион евродан ошиши мумкин.
Аввалроқ Палестрага «Интер» клуби ҳам қизиқиш билдиргани хабар қилинган эди.
Ўтган мавсумда Марко А Серияда 37 та учрашувда майдонга тушиб, 1 та гол ва 4 та голли узатмага муаллифлик қилди.
