Хосеп Гвардиола «Манчестер Сити» бош мураббийи сифатидаги сўнгги ўйинидан кейин мухлисларга мурожаат қилди.
«Ҳозир жуда ҳаяжондаман. Нега мени бунчалик яхши кўрасизлар? Нега менга бу қадар муносабатсиз?
Мен ҳеч қачон бунақанги муҳаббатни тасаввур қилмагандим. Бу ақлбовар қилмас эди. Сизларнинг мураббийингиз бўлиб 10 йил ишлаш улкан шараф бўлди.
Бугун трибунада 95 ёшли отам ўтирибди. Балки у ҳаммасини тушунмас, аммо йиллар ўтиб бу стадиондаги ажойиб трибуна оиламиз номи билан аталишини биламан. Бу мен учун энг катта шараф.
Футболчилар буни билишмайди, лекин мен уларни кузатишда давом этаман. Уларнинг зиммасида юқори даражани сақлаб қолишдек катта масъулият бор. Умид қиламанки, улар курашишда давом этади.
Бу менинг уйим. Агар келажакда мени кўчада ёки «Этиҳад»да кўрсангиз ва «Манчестер Сити» мухлиси бўлсангиз, олдимга келинг. Бу клуб шарафини ҳимоя қилиш мен учун катта фахр эди. Ҳар бир қарорни клуб манфаатлари учун қабул қилдим. Сизларни жуда яхши кўраман. Бу ажойиб давр бўлди», — деди Гвардиола.
Маълумот учун, ушбу мавсумда «Манчестер Сити» Англия кубоги ва Англия Лига кубогини қўлга киритди. АПЛда эса 78 очко билан 2-ўринни эгаллади.
