«Астон Вилла» яримҳимоячи Бубакар Камарани «Челси», «Интер» ва «Ал Ҳилол» клублари қизиқишига қарамай, жамоадан қўйиб юбормоқчи эмас. Бу ҳақда Football365 нашри хабар берди.
«Камара ҳануз жамоа учун жуда муҳим футболчи ҳисобланади. Унаи Эмери уни қадрлайди ва ўз режаларида унга алоҳида ўрин ажратган. Шу боис клуб уни сотиш бўйича таклифларни кўриб чиқади, деб ўйламайман.
«Астон Вилла»нинг яримҳимоя чизиғида танлов имкониятлари унчалик кўп эмас. Амаду Онана эса жиддий жароҳати туфайли узоқ муддатга сафдан чиқди. Жамоада таркиб чуқурлиги етишмаяпти. Шунинг учун клуб Камарани ҳам йўқотишни асло истамайди», — дейилади хабарда.
Камара бу мавсумда «Астон Вилла» сафида АПЛ доирасида 10 та учрашувда майдонга тушди.
