Жаҳон чемпионати иштирокчиларини таништиришда давом этамиз. Франция — I гуруҳида асосий фаворит. Сенегал ва Норвегия ҳам плей-офф учун курашишга шай. Ироқ Осиёнинг қолган жамоаларидан руҳланиб, сенсация қайд этишга шайланмоқда.
Франция
Бош мураббий: Диде Дешам — нафақат буюк футболчи, балки улкан мураббий ҳам. У миллий жамоада футболчи сифатида 103 ўйин ўтказиб, жамоа сардори сифатида жаҳон ва Европа чемпионатларида ғолиб чиққан.
Мураббий сифатида эса у ўз натижаларини ҳам ортда қолдирди: 14 йил, 177 ўйин, ЖЧда олтин ва кумуш, Европада эса кумуш медал.
Тўғри, Франция Дешам қўл остида доимо жозибали ўйнамайди, аммо ҳар доим амалий ва ҳар қандай рақиб учун жуда қийин жамоа бўлиб қолади. Бу унинг миллий жамоадаги сўнгги турнири бўлиши кутилмоқда. Эҳтимол, яна чемпионликка эришиши мумкин.
Юлдуз: Франция таркиби юлдузларга бой: Усмон Дембеле, Дезире Дуэ, Вилям Салиба, Майкл Олисе ва Килиан Мбаппе. Эътиборлиси шундаки, миллий жамоанинг барча чизиқларида кучли ўйинчилар тўпланишган. Айниқса, Нголо Канте каби тажрибали футболчи қисқа турнирларда жуда муҳим.
Таркиб:
Дарвозабонлар: Майк Менян («Милан»), Брис Самба («Ренн»), Робен Риссер («Ланс»);
Ҳимоячилар: Люка Дин («Астон Вилла»), Мало Гюсто («Челси»), Люка Эрнандес («ПСЖ»), Тео Эрнандес («Ал Ҳилол»), Ибраима Конате («Ливерпул»), Жюл Кунде («Барселона»), Максанс Лакруа («Кристал Пэлас»), Вилям Салиба («Арсенал»), Дайо Упамекано («Бавария»);
Яримҳимоячилар: Нголо Канте («Фенербаҳче»), Куадио Коне («Рома»), Адриен Рабио («Милан»), Орелиен Чуамени («Реал»), Уоррен Заир-Эмери («ПСЖ»), Магн Аклиуш («Монако»), Брэдли Барколя («ПСЖ»), Райан Шерки («Манчестер Сити»), Усмон Дембеле («ПСЖ»), Дезире Дуэ («ПСЖ»), Майкл Олисе («Бавария»);
Ҳужумчилар: Килиан Мбаппе («Реал»), Жан-Филипп Матета («Кристал Пэлас»), Маркус Тюрам («Интер»).
Чемпионлик эришиш эҳтимоли (Opta): 12,67 фоиз.
Сенегал
Бош мураббий: Бу ерда Папе Тиау ишламоқда. У 2002 йилги сенсацион жамоа билан боғлиқ шахс. Ўша мундиалда у Анри Камаранинг ҳал қилувчи голига ассист берган. 2024 йил декабрда миллий жамоани қабул қилиб, мундиалга олиб чиқди. Африка Миллатлар кубогида ҳам зафар қучди. Кейинчалик можароларда мураббийнинг айби йўқ.
Юлдуз: Сенегал таркиби тажрибали футболчилардан иборат: Эдуард Менди, Калиду Кулибали, Идрисса Гуйе, Николас Жексон. Асосий юлдуз — Садио Мане. Саудия чемпионлигини қўлга киритган Мане етакчи ҳам. Мундиалда ҳам у ўзини кўрсатиши кутилмоқда.
Таркиб:
Дарвозабонлар: Эдуар Менди («Ал Аҳли»), Мори Диав («Гавр»), Еванн Диуф («Ницца»).
Ҳимоячилар: Калиду Кулибали («Ал Ҳилол»), Мусса Ниакате («Лион»), Эл Ҳожи Малик Диуф («Вест Ҳэм»), Крепин Диатта («Монако»), Мамаду Сарр («Челси»), Исмоил Якобс («Галатасарой»), Антуан Менди («Ницца»), Абдулай Сек («Маккаби Ҳайфа»), Мустафо Мбоу («Париж»), Илай Камара («Андерлехт»).
Яримҳимоячилар: Идрисса Гейе («Эвертон»), Пап Гейе («Вилярреал»), Ламин Камара («Монако»), Ҳабиб Диарра («Сандерленд»), Пап Матар Сарр («Тоттенҳэм»), Паф Сисс («Райо Валекано»).
Ҳужумчилар: Николас Жексон («Бавария»), Садио Мане («Ан Наср»), Исмоил Сарр («Кристал Пэлас»), Бамба Диенг («Лорян»), Илиман Ндиае («Эвертон»), Иброҳим Мбае («ПСЖ»), Ассане Диао («Комо»), Шериф Ндиае («Самсунспор»).
Чемпионлик эришиш эҳтимоли (Opta): 0,96 фоиз.
Норвегия
Бош мураббий
Столе Солбаккен узоқ йиллар «Копенҳаген»и бошқариб, катта ютуқларга эришган. 2020 йилдан буён Норвегия миллий жамоасини бошқармоқда. Айтиш керакки, айнан у орқали жамоа ўсишга эришди. Йирик турнирларда қатнашмоқда.
Юлдуз: Асосий фигура — Эрлинг Ҳоланд. Унинг статистикаси ҳайратланарли: 50 ўйинда 55 гол. Унинг асосий шериги — Maртин Эдегор. Бу йигитлар мундиалда ҳам порлаши кутилмоқда. Александр Сёрлотни ҳам унутмаслик керак.
Таркиб:
Дарвозабонлар: Эриян Нюланд («Севиля»), Эгил Селвик («Уотфорд»), Сандер Тангвик («Ҳамбург»)
Ҳимоячилар: Кристоффер Аер («Брентфорд»), Фредрик Бёркан («Будё-Глимт»), Сондре Лангос («Дерби Каунти»), Лисакер Ҳеггем («Болоня»), Лео Эстигор («Женоа»), Юлиан Рюэрсон («Боруссия Д»), Давид Мёллер Волфе («Вулверҳэмптон»), Ҳенрик Фалҳенер («Викинг ФК»)
Яримҳимоячилар: Маркус Педерсен («Торино»), Мартин Эдегор («Арсенал»), Патрик Берг («Будё-Глимт»), Тело Осгор («Рейнжерс»), Сандер Берге («Фулҳэм»), Оскар Бобб («Фулҳэм»), Йенс Петтер Ҳауге («Будё-Глимт»), Фредрик Эурснес («Бенфика»), Андреас Шелдеруп («Бенфика»), Кристиан Торстведт («Сассуоло»), Мортен Торсбю («Кремонезе»)
Ҳужумчилар: Эрлинг Ҳоланд («Манчестер Сити»), Александр Сёрлот («Атлетико»), Йёрген Странн Ларсен («Кристал Пэлас»), Антонио Нуса («Лейпциг»).
Чемпионликка эришиш эҳтимоли (Opta): 3,24 фоиз.
Ироқ
Бош мураббий: Грэм Арнолд — тажрибали мутахассис. Илгари Австралия миллий жамоасини бошқарган. 2025 йилда Ироқни қийин вазиятдан чиқариб, мундиалга олиб чиқди. Грэм ўз тажрибаси билан бўлажак мундиалда ҳам сенсациялар қайд этиши мумкин. Ҳар ҳолда ушбу мутахассис миллий жамоаларда муваффақиятли ишлашга одатланган.
Юлдуз: Катта суперюлдузлар йўқ, аммо қуйидагилар ажралиб туради: Аҳмед Қосим, Аймен Ҳуссайн, Зидан Иқбол. Шунингдек, «Пахтакор»дан чақирилган Заид Таҳсин ҳам ЖЧ-2026да иштирок этади.
Таркиб:
Дарвозабонлар: Фаҳад Толиб («Ат Талаба»), Аҳмад Басил («Аш Шорта»), Жалол Ҳасан («Аз Завра»);
Ҳимоячилар: Манаф Юнус («Аш Шорта»), Ҳусайн Али («Погон»), Зайд Таҳсин («Пахтакор»), Ребин Сулака («Порт»), Акам Ҳошим («Аз Завра»), Мерхас Доски («Виктория»), Аҳмад Яҳё («Аш Шорта»), Франс Путрос («Персиб»), Мустафо Саадун («Аш Шорта»).
Яримҳимоячилар: Зайд Исмоил («Ал Талаба»), Амир Ал Аммари («Краковия»), Кевин Якоб («Орхус»), Зидан Иқбол («Утрехт»), Аймар Шер («Сарпсборг»), Юсуф Амин («АЕК Ларнака»), Иброҳим Байиш («Ад Дафра»), Аҳмад Қосим («Нэшвилл»), Марко Фаржи («Венеция»), Али Жассим («Ан Нажма»);
Ҳужумчилар: Али Ал Ҳамади («Лутон»), Али Юсуф («Ат Талаба»), Аймaн Ҳусайн («Ал Карма»), Моҳанад Али («Дибба»).
Чемпионликка эришиш эҳтимоли (Opta): 0,06 фоиз.
