Испания миллий жамоаси бош мураббийи Луис де ла Фуэнте жаҳон чемпионати 1-турида Кабо-Вердега қарши баҳс олдидан фикр билдирди.
Унинг айтишича, жамоанинг мундиал фаворитларидан бири сифатида кўрилаётгани катта аҳамиятга эга эмас.
«Фаворит бўлиш нимани англатади? Бу фақат сиз эришган натижалар ва тарихингизга берилган баҳодир. Атрофдагилар сизни даъвогар сифатида танлайди. Лекин ғолиб бир жамоа бўлади.
Чемпион ҳатто фаворит саналмаган жамоа ҳам бўлиши мумкин. Мен буни футболчиларимнинг меҳнати ва ютуқларига берилган эътироф сифатида қадрлайман.
Фаворит мақоми ҳеч нарсани кафолатламайди. Биз турнирга катта камтарлик билан ёндашяпмиз. Ҳар бир ўйинда ғалаба қозониш қийинлигини яхши биламиз» — дея де ла Фуэнтенинг сўзларидан келтиради FIFA расмий сайти.
Эслатиб ўтамиз, Испания миллий жамоаси бугун жаҳон чемпионатидаги илк учрашувини ўтказади.
