«Челси» ёзги трансфер ойнасида таркибни янги яримҳимоячи билан кучайтиришни режалаштирмоқда.
Журналист Бен Жейкобснинг хабарига кўра, Лондон клубининг «Борнмут» яримҳимоячиси Алекс Скотт учун таклиф қилган 64 миллион фунт стерлинглик таклифи рад этилгач, «кўклар» трансфер бозоридаги бошқа номзодларни ўрганишни бошлаган.
Шу билан бирга, янги яримҳимоячи трансфери Энцо Фернандеснинг албатта жамоани тарк этишини англатмайди. Манбага кўра, «Челси» аргентиналик футболчи билан янги шартнома имзолаш имкониятини ҳам кўриб чиқмоқда.
Аввалроқ ОАВда Энцо Фернандесга Европанинг бир қатор топ-клублари қизиқиш билдираётгани ҳақида хабарлар тарқалганди.
Қайд этиш жоиз, «Челси» 2025/26 йилги Англия Премер-лигаси мавсумини 10-ўринда якунлади. Натижада Лондон клуби 2026/27 йилги мавсумда Еврокубокларда иштирок этмайди.
