Мадриднинг «Атлетико» клуби 26 ёшли ҳужумчи Хулиан Алварес машғулот вақтида мушак жароҳатини олганини маълум қилди. Бу ҳақда клубнинг Х ижтимоий тармоғидаги расмий саҳифаси хабар берди.
Аргентиналик футболчи шанба кунги машғулот якунига яқин ноқулайлик сезгани сабаб машғулотни муддатидан олдин тарк этган. Унга мушак чўзилиши ташхиси қўйилган.
Эслатиб ўтамиз, Алварес бугун, 13 сентябр куни Ла Лига 5-тури доирасида «Реал Сосиедад»га қарши сафар баҳсини ўтказиб юборади.
Маълумот учун, аргентиналик ҳужумчи яқин вақт ичида қўшимча тиббий кўрикдан ўтади. Унинг жароҳати қанчалик жиддий экани текширувлардан сўнг аниқланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади