Fransiya milliy jamoasi bosh murabbiyi Zinedin Zidan Belgiya milliy jamoasining sobiq futbolchisi Eden Azar haqida fikr bildirdi.
Bugun, 28 sentyabr kuni fransiyaliklar Millatlar Ligasi doirasida safarda Belgiyaga qarshi maydonga tushadi. Uchrashuv oldidan o‘tkazilgan matbuot anjumanida Zidandan «Real»da birga ishlagan Azar haqida so‘rashdi.
«Afsuski, jismoniy muammolar sabab Azar «Real»ga o‘zi xohlagan narsalarni bera olmadi. Shunga qaramay, u bilan ishlagan davrimdan yaxshi xotiralar qolgan.
Eden bilan munosabatlarimiz ancha yaxshi. U ajoyib inson va ajoyib futbolchi. U Madridda «Chelsi»dagi kabi o‘zini ko‘rsata olmagani achinarli», — dedi Zidan.
Ma’lumot o‘rnida, Azar 2019 yilda «Chelsi»dan «Real»ga o‘tgan va 2023 yilga qadar Madrid klubi sharafini himoya qilgan. Belgiyalik sobiq vinger «qirollik klubi»ni tark etgach, professional futbolchilik faoliyatini yakunlagan. Ayni paytda Azar 35 yoshda.
Avvalroq Zidan sartaroshlarga Fransiya milliy jamoasi bazasiga kirishni taqiqlagani ma’lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi