«Barselona» va Ispaniya milliy jamoasi vingeri Lamin Yamal Xulian Alvaresning Kataloniya klubiga ehtimoliy transferi haqida fikr bildirdi.
Avvalroq OAVda «Barselona» prezidenti Joan Laporta «Atletiko» hujumchisini transfer qilishni asosiy maqsadlardan biriga aylantirgani haqida xabarlar tarqalgandi.
«Xulian — juda yuqori saviyadagi futbolchi. Uni har qanday klub o'z safida ko'rishni istaydi. Avval ham aytganimdek, agar u bizga qo'shilsa, uni quchoq ochib kutib olamiz va bundan juda xursand bo'lamiz.
Menimcha, u «Barselona»ning o'yin uslubiga juda mos keladi. Vaziyat aslida qanday ekanini bilmayman, ammo bu transfer amalga oshishiga umid qilaman», — dedi Yamal.
