Kabo-Verde milliy jamoasi darvozaboni Jozimar Vozinya JCh-2026 1/16 finalida Lionel Messiga qarshi maydonga tushganidan so‘ng argentinalik hujumchi haqida iliq fikr bildirdi.
«Messini ortiqcha tanishtirishning hojati yo‘q. U dunyoning eng yaxshi futbolchisi. Buni yigirma yildan buyon isbotlab kelmoqda. Men uchun shunday futbolchiga qarshi o‘ynash katta sharaf bo‘ldi», — dedi Vozinya derbyderbyderby.it nashriga.
Vozinya va Messi JCh-2026 1/16 final bosqichida o‘zaro to‘qnash kelgandi. O‘sha bahsda Argentina milliy jamoasi keyingi bosqich yo‘llanmasini qo‘lga kiritgan edi.
Eslatib o‘tamiz, Lionel Messi bugun Argentina milliy jamoasi safida JCh-2026 finalida maydonga tushadi. Amaldagi jahon chempionlarining finaldagi raqibi Ispaniya milliy jamoasi bo‘ladi.
