«Liverpul» himoyachisi Virjil van Deyk faoliyatini Ispaniyada davom ettirishi mumkin. Bu haqda Toskills Sports UK xabar berdi.
Ma’lum qilinishicha, niderlandiyalik futbolchini o‘z safiga qo‘shib olishdan «Barselona» manfaatdor. Kataloniya klubi agar himoyachi «Liverpul» bilan yangi shartnoma imzolamasa, uni 2027-yil yozida erkin agent sifatida jamoaga jalb etishni rejalashtirmoqda.
Eslatib o‘tamiz, Van Deyk 2018-yil 1-yanvar kuni «Sautgempton»dan «Liverpul»ga 75 million funt sterling evaziga ko‘chib o‘tgandi. Niderlandiyalik himoyachi mersisaydliklar safida 383 ta uchrashuvda maydonga tushib, 36 ta gol urgan. Uning hisobida 15 ta assist ham mavjud.
Van Deyk klub bilan Chempionlar Ligasi (2019), UEFA Superkubogi (2019), klublar o‘rtasidagi jahon chempionati (2019), APL (2019/20, 2024/25), Angliya kubogi (2022) va Angliya Liga kubogida (2022, 2024) g‘olib chiqqan.
Avvalroq «Liverpul» van Deyk bilan shartnomani uzaytirishga tayyor ekani ma’lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi