«Ливерпул» ҳимоячиси Виржил ван Дейк фаолиятини Испанияда давом эттириши мумкин. Бу ҳақда Toskills Sports UK хабар берди.
Маълум қилинишича, нидерландиялик футболчини ўз сафига қўшиб олишдан «Барселона» манфаатдор. Каталония клуби агар ҳимоячи «Ливерпул» билан янги шартнома имзоламаса, уни 2027 йил ёзида эркин агент сифатида жамоага жалб этишни режалаштирмоқда.
Эслатиб ўтамиз, Ван Дейк 2018 йил 1 январ куни «Саутҳэмптон»дан «Ливерпул»га 75 миллион фунт стерлинг эвазига кўчиб ўтганди. Нидерландиялик ҳимоячи мерсисайдликлар сафида 383 та учрашувда майдонга тушиб, 36 та гол урган. Унинг ҳисобида 15 та ассист ҳам мавжуд.
Ван Дейк клуб билан Чемпионлар Лигаси (2019), UEFA Суперкубоги (2019), клублар ўртасидаги жаҳон чемпионати (2019), АПЛ (2019/20, 2024/25), Англия кубоги (2022) ва Англия Лига кубогида (2022, 2024) ғолиб чиққан.
Аввалроқ «Ливерпул» ван Дейк билан шартномани узайтиришга тайёр экани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади