«Барселона» ҳимоячилари Эрик Гарсия ва Жюл Кунде Испания чемпионатининг 9-туридан ўрин олган «Бетис»га (5:2) қарши баҳсда жароҳат олишди. Шу сабабли улар 20 октябр куни Чемпионлар лигасининг умумий босқичи 3-туридан ўрин олган «ПСЖ» билан ўйинни ўтказиб юборишади. Бу ҳақда клуб матбуот хизмати Х ижтимоий тармоғида хабар берди.
Эрик Гарсия сон мушакларидан жароҳат олган. Маълум қилинишича, испаниялик футболчининг тикланиши учун бир ойгача вақт керак бўлади. У ноябр ойидаги халқаро танаффусга қадар «Барселона» сафида майдонга туша олмайди.
Жюл Кунде эса тўпиғи боғламларини чўзиб олган. У «ПСЖ»га қарши ўйинни ўтказиб юборади. Шунингдек, 25 октябр куни бўлиб ўтадиган Испания чемпионатининг 10-турида «Реал»га қарши баҳсда ҳам иштирок этмаслиги мумкин.
Кунденинг класикода майдонга тушиш-тушмаслиги унинг жароҳатдан қай даражада тикланишига боғлиқ бўлади.
«Барса»нинг икки ҳимоячиси «ПСЖ» билан ўйинни ўтказиб юборади
Футбол
18 октябр, 12:40
Каталония клуби ЕЧЛ ғолибига қарши баҳс олдидан таркибдаги йўқотишларни маълум қилди.
Foto: Getty Images
20.10.2026, 15:00
Чемпионлар лигаси
ПСЖ
-
:
-
Барселона
ПСЖ
-
:
-
Барселона
