«Умид энг охирида ўлади» – Илёс Зейтуллаев 4:4 ҳисоби ва «Каттақўрғон»нинг Суперлига йўлланмаси учун имконияти ҳақида

Про лига 24-тури доирасида Самарқандда бўлиб ўтган «Каттақўрғон» - «Лочин» (4:4) учрашувидан кейин мезбонлар бош мураббийи Илёс Зейтуллаев жамоасининг Суперлигага чиқиш имконияти ҳақида гапирди.

«Мағлубиятга учрай туриб, жанговар дуранг қайд этдик. Йигитлар характер кўрсатишди. Мухлислар бизни қўллаб-қувватлашди. «Лочин» яхши жамоа экан. Ишлашда давом этамиз ва стандартлардан нега бунча кўп гол ўтказиб юборганимизни таҳлил қиламиз.

«Металлург» билан ўйиндаги техник мағлубият? Билишимча, клуб зарур ишларни бажарган. Аммо якунда шундай бўлди. Регламентга барча риоя қилиши керак. Менда ҳам кўп саволлар бор. Ўйлайманки, раҳбариятимиз керакли хулосани чиқаради ва айбдорлар ўз жазосини олади. Бундай бўлиши жуда ғалати кўринмоқда.

«Орол» илк йўлланмага эга чиқди? Биз ҳали умидни йўқотганимиз йўқ. Бугунги ғалаба орқали плей-оффда қатнашадиган топ-бешликка кириб олмоқчи эдик. Қолган 4та ўйинда плей-офф сеткасидан жой олиш учун қўлимиздан келадиган барча ишни қиламиз. Умид энг охирида ўлади, дейишади. Охиригача курашамиз», - дея «Каттақўрғон» бош мураббийи Илёс Зейтуллаевнинг сўзларини келтиради Tribuna.uz мухбири.