Federiko Valverde yangi bosh murabbiyi Joze Mourinyo bilan ishlash imkoniyatidan mamnun ekanini bildirib, tajribali mutaxassisdan iloji boricha ko‘proq bilim olishni istashini ta'kidladi.
«Men Joze Mourinyodan o‘rganishni intiqlik bilan kutyapman. U beradigan har bir maslahatni tinglashga tayyorman.
Bugundan boshlab u va uning murabbiylar shtabi bilan o‘tkazadigan har bir soniya, har bir daqiqalik mashg‘ulotdan maksimal foyda olishga harakat qilaman», — dedi Valverde.
Qayd etish joiz, Mourinyo jahon futbolidagi eng muvaffaqiyatli murabbiylardan biri sanaladi. Uning qo‘l ostida ishlash ko‘plab futbolchilar uchun katta tajriba maktabi sifatida baholanadi.
