«Tottenhem» rahbariyati bosh murabbiy Roberto De Zerbini iste’foga chiqarishni rejalashtirmayapti. Bu haqda TEAMtalk nashri xabar bermoqda.
Manba ma’lumotiga ko‘ra, Angliya Premyer-ligasining dastlabki olti turida atigi uch ochko jamg‘arganiga qaramay, klubda De Zerbi jamoa oldiga qo‘yilgan maqsadlarni amalga oshirish uchun munosib murabbiy deb hisoblanmoqda. Rahbariyat natijalar yaxshilanishiga umid qilmoqda. Italiyalik mutaxassisning o‘zi ham faoliyatini davom ettirish niyatida. Manbaga ko‘ra, uning o‘z xohishi bilan jamoani tark etishidan xavotir yo‘q.
Yozgi transfer oynasida «Tottenhem» tarkibni kuchaytirish uchun katta mablag‘ sarflagan. Shu sababli klub murabbiyga o‘z g‘oyalarini amalga oshirish va natijalarni yaxshilash uchun vaqt bermoqchi.
De Zerbining o‘tgan mavsum oxiridagi faoliyati ham hisobga olinmoqda. U mart oyi oxirida, jamoa Premyer-ligadagi o‘rnini saqlab qolish uchun kurashayotgan paytda bosh murabbiy etib tayinlangan va «Tottenhem»ning yuqori divizionda qolishiga yordam bergan.
Eslatib o‘tamiz, «Tottenhem» navbatdagi bahsida «Manchester Yunayted» bilan 1:1 hisobida durang o‘ynadi.
