«Liverpul»ning sobiq hujumchisi Fernando Torres o‘zi bilan bir jamoada o‘ynaganlar orasida eng yaxshi futbolchi sifatida Stiven Jerrardni e’tirof etdi.
«Benites talabchan, ammo ajoyib murabbiy edi. Jerrard mening ortimda harakat qilganida, hammasi juda oson bo‘lardi. Bo‘sh hududlarga ochilardim, u esa menga ideal pas uzatishini bilardim. Hatto bir-birimiz bilan gaplashishimizga ham hojat yo‘q edi. O‘zaro tushunish ilk kundanoq paydo bo‘lgan. U — faoliyatim davomida birga o‘ynagan eng yaxshi futbolchi», — dedi Torres The Athletic nashriga bergan intervyusida.

Fernando 2007-yilning yozida Madridning «Atletiko» klubidan «Liverpul»ga o‘tgan. Ispaniyalik sobiq hujumchi 2011-yilning yanvarigacha mersisaydliklar safida to‘p tepgan. Shundan so‘ng u faoliyatini «Chelsi»da davom ettirgan.
Avvalroq Torres faoliyatidagi eng muhim sovrin haqida gapirgandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi