«Komo» va «Milan» Samuele Richchining transferi bo‘yicha to‘liq og‘zaki kelishuvga erishdi. Kelishuvga ko‘ra, 24 yoshli futbolchi 1,5 mln yevro evaziga ijaraga olinadi va uning maoshini to‘liq «Komo» to‘laydi.
Shuningdek, bitimda futbolchini 22 mln yevroga sotib olish huquqi ham ko‘zda tutilgan. Qo‘shimcha bonuslar ham mavjud.
Richchiga tibbiy ko‘rikdan o‘tish uchun «Komo»ga yo‘l olishga ruxsat berilgan. Transferni insayder Fabritsio Romano «Here we go» belgisi bilan tasdiqlagan.
