«Комо» ва «Милан» Самуеле Риччининг трансфери бўйича тўлиқ оғзаки келишувга эришди. Келишувга кўра, 24 ёшли футболчи 1,5 млн евро эвазига ижарага олинади ва унинг маошини тўлиқ «Комо» тўлайди.
Шунингдек, битимда футболчини 22 млн еврога сотиб олиш ҳуқуқи ҳам кўзда тутилган. Қўшимча бонуслар ҳам мавжуд.
Риччига тиббий кўрикдан ўтиш учун «Комо»га йўл олишга рухсат берилган. Трансферни инсайдер Фабрицио Романо «Here we go» белгиси билан тасдиқлаган.
