Dominik Livakovich «Fenerbahche»dan «Barselona»ga o‘tdi. Kataloniya klubi rasmiy saytida tomonlar transfer bo‘yicha kelishuvga erishgani va 31 yoshli darvozabon bilan 2030 yil 30 iyungacha mo‘ljallangan shartnoma tuzilgani haqida xabar berdi.
Livakovich faoliyatini «Zadar» va «Zagreb» yoshlar jamoalarida boshlagan. 2016/2017 yilgi mavsumda «Dinamo Zagreb»ga o‘tgan darvozabon klub safida 295 ta uchrashuv o‘tkazib, 249 ta gol o‘tkazib yuborgan va 137 bahsda darvozasi daxlsizligini saqlagan. U jamoa bilan yetti marta mamlakat chempionligini qo‘lga kiritgan.
2023 yil yozida Livakovich «Fenerbahche»ga o‘tdi va ikki mavsum davomida 74 ta uchrashuvda maydonga tushdi. Shundan 24 tasida darvozasi daxlsizligini saqladi. 2025 yil yozida «Jirona»ga ijaraga berilgan futbolchi u yerda biror marta maydonga tushmadi. Keyinchalik «Dinamo Zagreb»ga qaytib, 15 ta bahsda 10 ta gol o‘tkazib yubordi va 8 ta uchrashuvda darvozasi daxlsizligini saqladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi