«Tottenhem» himoyachisi Kristian Romero jarohat tufayli ikki oygacha maydondan chetda qolishi mumkin.
“Taqachilar” sardori APL 32-turidan oʻrin olgan “Sanderlend” (0:1) bilan bahsda oʻz jamoasi darvozaboni Antonin Kinski bilan toʻqnashuv nvtijasida tizzasidan jarohat olgandi va koʻzida yosh bilan maydonni tark etgandi.
ESPN Argentina jurnalisti Martin Arevalo ma'lumotiga ko‘ra, futbolchining tiklanishi 5-8 hafta davom etadi. Shu bilan birga, argentinalik 27 yoshli himoyachi iyun oyida start oladigan jahon chempionatida o‘z milliy jamoasi safida bo‘lishi kutilmoqda.
Hozirda «Tottenhem» APL jadvalida 30 ochko bilan Chempionshipga tushib ketadigan hududda — 18-o‘rinda bormoqda
