Taniqli insayder Fabritsio Romanoning ma'lum qilishicha, Alehandro Garnacho faoliyatini «Aston Villa»da davom ettiradi.
Manbaga ko‘ra, klublar o‘rtasida futbolchini bir mavsumga ijara asosida transfer qilish bo‘yicha kelishuvga erishilgan. Bitimga ma'lum shartlar bajarilgan taqdirda kuchga kiradigan majburiy sotib olish bandi ham kiritilgan.
Shuningdek, Garnachoning «Aston Villa»dagi tibbiy ko‘rigi sanasi ham belgilab qo‘yilgan.
Romano ta'kidlashicha, argentinalik vingerning transferida bosh murabbiy Unai Emeri muhim rol o‘ynagan. Ispaniyalik mutaxassis Garnachoni o‘z jamoasida ko‘rishni qat'iy istagan.
Eslatib o‘tamiz, avvalroq Morgan Rojers «Aston Villa»ni tark etib, «Chelsi» safiga ko‘chib o‘tgandi. Garnacho aynan uning o‘rnini to‘ldirishi kutilmoqda.
Qayd etish joiz, «Aston Villa» 2026/27 yilgi mavsumda UEFA Chempionlar ligasida ishtirok etadi. Klub o‘tgan mavsum Yevropa ligasi bosh sovrinini qo‘lga kiritgandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi