Robertsonning ta’kidlashicha, italiyalik mutaxassis juda ambitsiyali va jamoa bilan sovrinlar uchun kurashishni istaydi. Biroq murabbiy bu maqsadga erishish uchun vaqt kerakligini ham yaxshi tushunadi.
«U nihoyatda ambitsiyali, buni uning xatti-harakatlaridan ham ko‘rish mumkin. Murabbiy sovrinlarni yutishni xohlaydi, ammo buning uchun vaqt kerakligini biladi. Menimcha, bizga shunchaki omad yetishmayapti. O‘tmishni unutib, oldinga harakatlanishga e’tibor qaratishimiz kerak», — dedi Robertson Stick to Football podkastida.
«Tottenhem» ushbu mavsum Angliya chempionatida hozircha muvaffaqiyatsiz ishtirok etmoqda. London klubi beshta bahsdan atigi ikki ochko jamg‘argan va xalqaro tanaffusga turnir jadvalining so‘nggi pog‘onasida chiqqan.
Jamoa tanaffusdan keyingi ilk bahsini safarda «Manchester Yunayted»ga qarshi o‘tkazadi. De Zerbi shogirdlari ushbu bahsda mavsumdagi natijalarini yaxshilash va turnir jadvalidagi holatini o‘zgartirishga harakat qiladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi