Робертсоннинг таъкидлашича, италиялик мутахассис жуда амбицияли ва жамоа билан совринлар учун курашишни истайди. Бироқ мураббий бу мақсадга эришиш учун вақт кераклигини ҳам яхши тушунади.
«У ниҳоятда амбицияли, буни унинг хатти-ҳаракатларидан ҳам кўриш мумкин. Мураббий совринларни ютишни хоҳлайди, аммо бунинг учун вақт кераклигини билади. Менимча, бизга шунчаки омад етишмаяпти. Ўтмишни унутиб, олдинга ҳаракатланишга эътибор қаратишимиз керак», — деди Робертсон Stick Football подкастида.
«Тоттенҳэм» ушбу мавсум Англия чемпионатида ҳозирча муваффақиятсиз иштирок этмоқда. Лондон клуби бешта баҳсдан атиги икки очко жамғарган ва халқаро танаффусга турнир жадвалининг сўнгги поғонасида чиққан.
Жамоа танаффусдан кейинги илк баҳсини сафарда «Манчестер Юнайтед»га қарши ўтказади. Де Зерби шогирдлари ушбу баҳсда мавсумдаги натижаларини яхшилаш ва турнир жадвалидаги ҳолатини ўзгартиришга ҳаракат қилади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади