Англия бош мураббийи Томас Тухел ҳужумчи ва миллий жамоа сардори Ҳарри Кейн 2026 йилги «Олтин тўп»ни қўлга киритишга лойиқ эканлиги ҳақида ўз фикрини билдирди.
«Мен учун Ҳарри Кейн бу йил «Олтин тўп» энг лойиқ футболчи. Кейн 70 дан ортиқ гол урди, «Бавария» билан учта совринни қўлга киритди. Жаҳон чемпионати ва Чемпионлар Лигасида яримфиналга қадар етиб борди», - дея Тухелнинг сўзларини келтиради ИТВ Спорт.
Маълумот учун, 2026 йилги «Олтин тўп»ни топшириш маросими 26 октябр куни Лондонда бўлиб ўтиши режалаштирилган. Ўтган йилда совринни «ПСЖ» форварди Усмон Дембеле қўлга киритганди.
Эслатиб ўтамиз, ғолиб FIFA рейтингидаги энг кучли 100 та мамлакат вакили бўлган 100 нафар журналистнинг овоз бериш натижаларига кўра аниқланади.
