«Манчестер Юнайтед» «Брюгге»нинг чап қанот ҳимоячиси Хоакин Сейснинг ўйинини кузатишда давом этмоқда. ТEАМtalk маълумотига кўра, 21 ёшли футболчи манкунианликлар скаутлар бўлимида ижобий таассурот қолдирган ва клубнинг номзодлар рўйхатидан жой олган.
Манбага кўра, «Манчестер Юнайтед» Сейсни Люк Шоуга муқобил вариант сифатида кўриб чиқмоқда. Инглиз клуби аввалроқ ушбу позицияни кучайтириш учун Люис Холл ва Натанел Браунни асосий номзодлар қаторига киритган эди.
Сейс ушбу мавсум барча турнирларда 9 та баҳсда майдонга тушиб, 4 та голли узатмани амалга оширган. Ҳимоячи «Брюгге»нинг ҳужумларига фаол қўшилаётгани билан ҳам эътибор қозонмоқда.
Маълумот учун, футболчининг клуб билан амалдаги шартномаси 2029-йил ёзигача мўлжалланган. Тransfermarkt маълумотларига кўра, Сейснинг трансфер қиймати 20 миллион еврога баҳоланмоқда.
