Live
3
O'zbek

«Real» skautlariga Subimendining o‘yini yoqmadi

Futbol
19 noyabr, 02:20
    11
Futbolchining Angliyaga qarshi o‘yini madridliklar kutgan darajada bo‘lmagan.
«Real» skautlariga Subimendining o‘yini yoqmadi
Foto: Premier League

Madridning «Real» klubi vakillari «Arsenal» yarimhimoyachisi Martin Subimendining Ispaniya milliy jamoasi safidagi so‘nggi o‘yinidan qoniqish hosil qilmagan. Bu haqda DefensaCentral nashri xabar berdi.

Ispaniya milliy jamoasi Angliyaga qarshi uchrashuvda 2:3 hisobida mag‘lubiyatga uchradi. Ushbu bellashuvda Subimendi asosiy tarkibda maydonga tushib, 72 daqiqa harakat qildi. Biroq u gol yoki golli uzatma bilan ajralib turmadi.

Ma’lum qilinishicha, «Real» skautlari 27 yoshli futbolchining harakatlarini diqqat bilan kuzatib borgan. Lekin uning maydondagi o‘yini madridliklar kutgan darajada bo‘lmagan.

Shunga qaramay, «qaymoqranglilar» Subimendiga bo‘lgan qiziqishini to‘liq yo‘qotmagan. Ispaniyalik yarimhimoyachi hamon klubning ehtimoliy transfer nishonlari ro‘yxatida qolmoqda.

Ma’lumot o‘rnida, Subimendi ushbu mavsumda «Arsenal» safida 12 ta uchrashuvda ishtirok etib, bitta golli uzatmani amalga oshirdi. Futbolchining London klubi bilan amaldagi shartnomasi 2030-yil yozigacha mo‘ljallangan.

Avvalroq Subimendi «Arsenal»ni qishki transfer oynasida tark etishi mumkinligi ma’lum qilingandi.

Tegishli jamoalar va ligalar

  • Real Madrid Real Madrid
  • Arsenal Arsenal
Yangi munozara

Muxlislar bu yangilikni Telegram’da muhokama qilmoqda

11 izoh
Muhokamaga o‘tish

Izohlar Telegram’da ochiladi

Bugungi yangiliklar