Madridning «Real» klubi «Chelsi» yarimhimoyachisi Entso Fernandes transferi bo‘yicha muzokara olib borayotgani haqidagi xabarlar haqiqatga to‘g‘ri kelmaydi. Bu haqda taniqli insayder Fabritsio Romano ma'lum qildi.
Uning so‘zlariga ko‘ra, turli mish-mishlarga qaramay, ayni paytda «Real» va «Chelsi» o‘rtasida argentinalik futbolchining transferi yuzasidan hech qanday muzokara mavjud emas.
Shu bilan birga, «qirollik klubi» Entso Fernandesning o‘yinlarini yuqori baholaydi. Biroq u jamoani kuchaytirish uchun ko‘rib chiqilayotgan besh nafar nomzoddan biri xolos.
25 yoshli yarimhimoyachi o‘tgan mavsum barcha musobaqalarda 54 ta uchrashuvda maydonga tushib, 15 ta gol urdi va 7 ta golli uzatmani amalga oshirdi.
Entso Fernandesning «Chelsi» bilan amaldagi shartnomasi 2032 yilning iyuniga qadar amal qiladi.
