Мадриднинг «Реал» клуби «Челси» яримҳимоячиси Энцо Фернандес трансфери бўйича музокара олиб бораётгани ҳақидаги хабарлар ҳақиқатга тўғри келмайди. Бу ҳақда таниқли инсайдер Фабрицио Романо маълум қилди.
Унинг сўзларига кўра, турли миш-мишларга қарамай, айни пайтда «Реал» ва «Челси» ўртасида аргентиналик футболчининг трансфери юзасидан ҳеч қандай музокара мавжуд эмас.
Шу билан бирга, «қироллик клуби» Энцо Фернандеснинг ўйинларини юқори баҳолайди. Бироқ у жамоани кучайтириш учун кўриб чиқилаётган беш нафар номзоддан бири холос.
25 ёшли яримҳимоячи ўтган мавсум барча мусобақаларда 54 та учрашувда майдонга тушиб, 15 та гол урди ва 7 та голли узатмани амалга оширди.
Энцо Фернандеснинг «Челси» билан амалдаги шартномаси 2032 йилнинг июнига қадар амал қилади.
