Россиянинг «Рубин» клубининг испаниялик собиқ футболчиси Сесар Навас Испания миллий жамоасининг мундиалдаги иштироки ва имкониятлари ҳақида гапирди.
- Испания жаҳон чемпионатининг фаворитларидан бири, деб ўйлайсизми?
- Шубҳасиз, ҳа. аммо Испанияга кетма-кет иккинчи йирик халқаро форумда ғалаба қозонишга бошқа жамоалар қаршилик қилади. Испанларнинг ғалабага эришиш имкониятларини анча юқори баҳолаяпман. Бироқ уларга Франция ва Аргентина муаммо туғдирса керак. Бошқа томондан Европа ва Жанубий Американинг бошқа жамоалари ҳам бош оғриқ бўлиши мумкин.
- Бу жамоанинг етакчиси ким? Ёки ҳозирча ундай футболчи йўқми?
- Шунчаки футболчилардан бирини айтиб юбориш тўғри бўлмайди: мураббийлар штаби индивидуал имкониятларга эмас, балки жамоавий ўйинга урғу берган.
