«Arsenal» yarim himoyachisi Deklan Rays Chempionlar ligasi finaliga yo‘l olgan jamoasining natijasi haqida fikr bildirdi.
«Bizning bu natijaga olib kelgan yo‘limizni kam baholab bo‘lmaydi. Bu yutuqni nishonlashga to‘liq haqlimiz — bu juda muhim lahza. Chempionlar ligasi eng nufuzli turnir va bu klub hamda muxlislar uchun faxr», — dedi Rays UEFA rasmiy saytiga.
Ma’lumot uchun, yarimfinal javob bahsida «Arsenal» 1:0 hisobida «Atletiko»ni mag‘lub etdi, dastlabki o‘yinda esa 1:1 hisobi qayd etilgandi. Finalda londonliklar «Bavariya» — «PSJ» juftligi g‘olibiga qarshi maydonga tushadi.
