«Manchester Yunayted» yarimhimoyachisi Kazemiro va himoyachi Tayrell Malasiya rasman klub bilan xayrlashdi. Bu haqda insayder Fabritsio Romano xabar berdi.
Manba ma’lumotiga ko‘ra, ikki futbolchi bugundan boshlab erkin agent maqomiga ega bo‘ldi va «qizil iblislar» safini tark etdi.
Ayniqsa, Kazemironing ketishi klub uchun muhim o‘zgarishlardan biri sifatida baholanmoqda. Braziliyalik yarimhimoyachi 2022 yilda Madridning «Real» klubidan katta umidlar bilan transfer qilingan edi.
Qayd etilishicha, 34 yoshli futbolchi faoliyatini AQSHda davom ettirishi kutilmoqda. Hozirda u MLS vakili «Inter Mayami» safiga qo‘shilish arafasida turibdi.
Tayrell Malasiya esa bir necha mavsum davomida jarohatlar bilan kurashganidan so‘ng klubni tark etmoqda.
Eslatib o‘tamiz, «Manchester Yunayted» yozgi transferlar oynasida tarkibni jiddiy yangilashni rejalashtirmoqda. Avvalroq klub Jeydon Sanchoni ham erkin agentga aylanganini e'lon qilgan edi.
Ma’lumot uchun, Sancho, Kazemiro va Malasiyaning ketishi bilan mankunianliklar maosh fondida sezilarli mablag‘ni tejab qoladi.
